Teachings

WAAROM DANS ONS?
Dans is as ritmiese bestandeel in elke mens se psigosomatiese bestaan ingebou. Elke mens maak, of natuurlik, of gekultiveerd, van hierdie gawe gebruik.

Dans kom van die vroegste eeue al sterk na vore. Dit is net so oud soos musiek. Dans kom van die behoefte af om emosies uit te druk deur die liggaam te gebruik. Daar was hoofsaaklik twee redes in die O.T. waarom mense gedans het:

DIE OORWINNINGSDANS
Hierdie dans is gedans voor iemand of na iemand toe om aan die persoon eer te bewys. Dit was altyd gedans deur die persoon wat die naaste was aan die oorwinnaar bv. :
Jefta - Rigters 11
Dawid - 2 Sam. 6

Daarom dat Dawid, na sy oorwinning, vir Mikal (Saul se dogter en sy vrou) berispe het. Sy het hom in stilte verag i.p.v om hom tegemoet te kom met 'n oorwinningsdans. Sy kon nooit kinders hê nie. (gevolg = mis doel)

Net so, behoort ons as Christene ook te dans omdat Jesus vir ons die oorwinning behaal het. Hierdie is 'n dans van oorwinning, 'n dans van lewe, 'n lewenstyl van beweging saam en in Jesus Christus. As ons NIE dans nie, is ons nie waar God ons wil hê nie.

LOFPRYSING & AANBIDDING
In die O.T. was dans deel van die volk se aanbidding. Die kerk se lofprysing en aanbidding het bestaan uit kore, orkeste en dansers wat 24 uur per dag God aanbid het.(1 Kron 16:4-6 / 37-40)

Tydens die middeleeue het al hierdie dinge tot 'n einde gekom en begin die kerk nou eers weer stadig terugbeweeg na daardie tipe van aanbidding.

Tot dusver is aanbidding op so 'n wyse herstel dat daar weer kore en orkeste is, maar die dansers is nog glad nie so algemeen nie. Totdat dans in die kerk nie weer sy regmatige plek ingeneem het nie, sal die liggaam van Christus nie volmaak wees in hul lofprysing en aanbidding nie. Daarom is dit so belangrik om te begin dans en die Here daardeur te verheerlik.

Jeremia 31 : 4b "Jy sal weer jou tamboeryne dra, jy sal uitgaan
om te dans saam met die wat bly is." (N.V.)
Openb 19 : 7 - Die bruid van Christus is dansend !
Amos 9 : 11 "God sal Sy Ark (tempel van aanbidding) restaureer."
Hierdie is 'n profesie waar die Here sê dat die Kerk weer herstel sal word in hul dans.

Die Woord sê ook dat ons ons vreugde (emosie) in die Here moet vind. Dis dus belangrik dat wanneer ons dans, ons oë op Jesus sal wees. Dan sal ons ons fokus behou en ons doel bereik deur ons dans.

Dans kombineer gedagtes van die hart saam met koordinasie. 'n Sekere temperament, kunspersepsie en doel word saamgevoeg en uit bogenoemde word beweging gebore.

Ons beoefen elke dag beweging (loop, groet). Ons is deel van beweging (aarde, binne ons liggame). Deur beweging wys ons aan ander wat ons voel en wat diep binne ons aangaan. Dis 'n uitbeelding van ons karakter en ons persoonlikheid.

Jesus Christus het altyd die realiteite aangespreek. Wanneer ons dans, moet ons ook konkrete vorm gee aan sekere waarhede. Ons moet die werklike lewe in die mense om ons aanspreek wanneer ons dans: dan sal dit tot die pyn en wonde van die wêreld spreek.

Jeremia 31 : 13 - "Dan sal die jong meisies dans van blydskap saam met die jong mans en die ou mans. Ek sal hulle droefheid in vreugde verander, Ek sal vir hulle uitkoms gee: Ek sal hulle bly maak, hulle sal geen kommer meer hê nie " (NV)

HOEKOM HET GOD DANS GESKEP?

• Vir kommunikasie & demonstrasie
• Hosea 12 : 10 - Sodat profesieë uitgebeeld kon word
• 70% - 80% van alle kommunikasie is nie-verbaal. Ons liggaamshouding en gesigsuitdrukkings sê soms baie meer as woorde.
• Die boodskap van God word nie net gehoor nie, maar ook gesien, dus het dit 'n groter impak.

HOEKOM PRYS & AANBID ONS GOD DEUR TE DANS?

• Dis 'n opdrag van God (Psalm 33 : 1 / 47 : 1 / 134 : 2 / 149 : 3)
• Psalm 18 : 32 , 34
• God is die gewer van krag (energie)
• Ons moet God liefhê met ons krag (energie) Deut. 6 : 5 Ek kan dit nie doen sonder om te beweeg nie
• Daar is krag in lofprysing: dis 'n wapen vir oorlogvoering
  (2 Kron 20 / Ps 8 : 2)
• Ons is gemaak om Homte aanbid (1 Pet 2 : 9 / Jes 43 : 21)
• God reageer op ons lofprysing (Ps 22 :3)

DRIE FUNKSIES VIR DANS IS:

• Om God te aanbid
• Ons gee uitdrukking aan Jesus binne ons (Blydskap)
• Profesie (Om in ander se lewens in te spreek)

WAT GEBEUR AS ONS DANS?

• Dans is 'n kommunikasie middel tot God en almal wat dit sien.
• Liggame, geeste en denke word 'n eenheid as ons God verheerlik deur ons dans, want almal se fokus is dieselfde.
• Waar daar eenheid is, is God se salwing (teenwoordigheid).
• God se salwing breek die juk, dus word mense vry van allerhande dinge wat hulle terughou.

HOE VOEL GOD OOR DANS?!?!

• Sefanja 3 : 17 "He will dance with shouts of Joy"
• Exodus 5 : 1 "They may hold a (feast) unto me" (NIV)
  chagag - om in 'n sirkel te beweeg, juig, dans
• Exodus 12 : 11 "It's the Lords (passover)" (NIV)
  pecach - om te dans, te spring
  Hosea 12 : 10 God kies om deur kuns te praat
  

REDES WAAROM CHRISTENE NIE VRYHEID IN DANS ERVAAR NIE:

TEKORT AAN KENNIS
Baie Christene glo hulle mag nie aanbid deur dans nie. Hulle weet
nie wat die Woord hieroor sê nie.

DIE KERK HET DANS VEROORDEEL AS VLEESLIK
Baie kerke glo dis sonde om te dans. Hulle het 'n verkeerde
persepsie van dans en besef nie dat dit iets vir die gemeente
kan beteken nie.

ONS SAMELEWING & KULTUUR Sê DIS VERKEERD
Ons kultuur sê vir ons 'mans dans nie' en 'mans huil nie'. Ons is
vol inhibisies wat ons keer om werklik te kan beweeg.

VREES VIR MENSE
Ons voel baie keer dat mense snaaks sal dink as ons dans. As
ons leef in vrees vir mense, i.p.v. in vrees vir God, sê ons eintlik
dat ons mense se opinies belangriker ag as God s'n. Vrees vir
mense is sonde. Ons is ook nie verantwoordelik vir ander se
reaksie nie. God beoordeel ander se reaksie as ons dans - dit
het niks met ons te doen nie.

TROTS
Trots is ook soms 'n rede waarom ons nie ander kan of wil bedien nie. Dit vloei uit vrees vir ander se reaksie of dat ek foute sal maak.

EK IS NIE GEROEP NIE
Volgens die Woord is daar geen beperking op wie mag dans en
wie nie. Almal wat God aanbid mag (moet) voor Hom dans. Daar
is verskeie vlakke in die dansbediening, maar die hele gemeente
is geroep om Hom te aanbid met al hulle krag (emosie).
Deut. 6 : 5

TEKORT AAN VRYHEID / SKULDGEVOELENS
Soms is daar dinge in ons lewens wat ons terughou om God
heelhartig te aanbid. Vra God om jou te wys wat jou
terughou, sodat niks jou sal weerhou om jou volle potensiaal te
bereik in dans as bediening nie. Dit is God se wil dat ons vry
moet wees om Hom te kan aanbid.
2 Kor. 3 : 17 - "Die Here beteken hier die Gees, en waar die Gees
van God is, is daar vryheid." (NV)

WEET NIE HOE OM TE BEWEEG NIE
Dit gebeur dalk dat jy graag wil dans, maar nie weet hoe om jou liggaam korrek te gebruik nie.